isang malaking HMP!

hindi naman ako galit.

minsan kase parang isa ka nang perpektong istranghero

may oras na hindi nagpaparamdam

hindi man lang maisip na may nag aalala sa kanya

kapag napa-ulot sa pagpapakasaya

(ikaw ay) nawawala sa sarili

 

siguro nagseselos din

hindi ko din naman kase alam ano mga pinagkakabalahan mo
kung may kasamang iba, kahuntahan at kung ano anong kalokohan

dahil palaging wala din ako

at mukhang nagiging isang malaking responsibilidad pa

yung pagtungo mo rito

upang magkita lang.

 

siguro hindi na kita kilala

minsan hindi kita maramdaman

may pagdaan na para bang andito ka lang

upang may makaulayaw

 

nararamdaman ko rin na parang wala ka namang pakialam (sa akin)

kung nasasaktan ako, o kung humihinga pa

madalas sa hindi palagi ka na lang nagdadrama (sa buhay)

tungkol sa mga bagay na ikaw rin naman ang may kasagutan

 

hindi ako galit pero may isang malaking HMP!

sabihin kung ano gusto mong mangyari

nang hindi ako nalilito

at hindi ako parang nakikipagkita, nakikipag usap

sa isang istrangherong nagmula sa apopong.