red alert

nasaan na ang dating maamong pusa na nag memeow meow

sa tabi ko habang binibigyan ko ng fancy feast?

bigla na lang naging isang matapang na leon

may simbolo  pa sa noo na mark of the beast.

grabe mga plot twist

mga over the edge na scenario

hindi ko aakalain hahantong sa ganito

na ang maamong pusa pa pala

ang kakalmot sa iyo? 

mataas pa rin

sobrang taas

hindi ko maarok.

hindi ko maipaliwanag

hindi ko maintindihan

gusto ko intindihin

ang gulo gulo mo

wala na akong paglagyan

nakakalunod mong ego. 

luh? parang ayoko na?

luh? pero gusto ko pa?

luh? ni hindi ka marunong humingi ng pasensya?

sa lahat ng ginawa mong pambabara?

kaya bukas hindi na kita kakausapin.

wala nang paghihintay na magaganap.

wala na ang mga pull.

wala na ang mga sweet gestures.

sisikapin kong maging neutral

deadma na sa mixed signals. 

back to reality, no expectations

matapos lahat ng revelations

na ang maamong pusa noon

na naging isang mabangis na leon

ay may hawak na isang matingkad na red flag. 

 

#myheartisfull

nakikilala ka na ba nang lubusan?

mukhang natatakot ako sa aking landas na tinatahak.

kahit yung puso ko ay puno ng galak.

my heart is full ang laging hashtag.

halos isang oras na naman tayo nagpapalitan ng mensahe.

forty minutes naman nung nakaraan kapiling ang boses mo.

medyo natatakot ako?

iba ang aura mo.

no room for mistakes ang atake.

mukhang perfectionist ka masyado.

naglalakad sa hangin tuwing maririnig ang iyong mga papuri.

ngiti ay hanggang tenga sa positive compliments na ibinahagi.

i shall return the favor.

the feeling is mutual.

andami ko ring papuri at pasasalamat sa iyo. 

andoon ka na rin sa panaginip.

nagbabahagi ka na ng mga ganap sa buhay mo.

you asked 'ikaw kumusta ka?'

I said, 'why? masaya.'

tapos sagot mo lang 'just checking.'

hindi ka makasagot when I replied, 'always checking?'

'what's up, ba't masaya? goods yan haha.'

hindi ko na rin napigilan sabihin 

damn, you are so good looking. 

like fine wine? dahil totoo.

you just do not see it.

but you are so beautiful.

kaya I am thankful.

that you trust me. 

you admire me.

you are always here for me. 

at kahit papaano you let me in.

into your weird, beautiful world.